وجهة نظر

اسمحولى انا حابه انى اتكلم فى موضوع منتشر اوى موضوع بجد زاد عن حده المسموح بيه و بقى بيستفزنى انا شخصيا.. زى ما اتفقنا اننا هنا هنتكلم عن الشباب ولاد و بنات و هنناقش مواضيع و هنقول اراء بس من وجهة نظرنا احنا عشان زى ما قلنا ان احنا الشباب و احق ناس نعبر عن اللى جوانا فا بما انى بنت اسمحولى اول موضوع اكتب عنه يكون فى صالح البنات شوية بس مش معنى كده انى باجى على الولاد لا ابدا بس الموضوع ده بيأثر على البنت اكتر ....الموضوع هو ( التقضية ) طبعا الكلمه دى مفهومه و طبعا كلكوا فاهمين يعنى ايه تقضية و لو مش فاهمين خلونى اوضح ليكوا معناها التقضية دى كلمه بقت متداوله بين اغلبية الولاد يعنى تلاقى الولد من دول كل يوم مع بنت شكل اللى محجبة و اللى بشعرها و اللى حلوه و اللى وحشه واللى بتحبه و اللى بتقضيها و يجي واحد من اصحابه يقوله ايه يا عم كل يوم مع بنت شكل يقوله يا (( عم قشطه ))انا بقضيها و بعيش حياتى و بعيش سنى ...او بمعنى تانى للتقضية هو التمثيل يعنى يقعد يمثل على البنت انه بيحبها و انه هيمووت و يشوفها و هى بحسن نيه بتصدق و تعمل اى حوار فى بيتها
انها رايحه تذاكر انها نازله تجيب ملازم اى حوار و خلاص عشان تنزل تشوف حبيبها و هو من الجانب الاخر بيقول عليها كلام (مش تمام) و يكون بيمثل عليها و فى الاخر بعد شهر اتنين تلاته يقولها سورى انا مشاعرى طلعت من ناحيتك اكنك اختى بليز خلينا اصحاب طبعا البنت يا عينى تجيلها صدمه عصبيه تقعد تموت نفسها عياط تقول لنفسها ده كذا و كذا و كذا و تتبهدل لحد ما تنساه ماهى اصلها ساذجه مفهمتش من الاول انه بيلعب بيها و تانى اسبوع تنزل بالصدفه الجامعه لو هو زميلها و تلاقيه ماشى مع غيرها و عايش الحياة و يقولها مشاعرى اتجهت ناحية البنت دى ( طبعا بيعيش الدور ) و هو ولا بيحبها ولا حاجه متهيقلى كده انا شرحتلكوا معنى الكلمة دى خلونى بقى اقول ليكوا وجهة نظرى كبنت بتشوف الحوارات دى حواليها فى الشارع و فى المدارس و فى الجامعات انا بس فى سؤال محيرنى انت ايه اللى جابرك تعمل كده ؟؟ طيب و انت بتعمل كده مش بتفكر انك عندك اخت بنت ممكن يتعمل فيها كده ؟؟ مش متخيل كسرت قلبها ساعتها؟؟بتعمل كده لمجرد انك تخرج مع بنت حلو ؟و لو انها مبيتقالش عليها بنت حلوه بيتقال عليها كلمه تانيه بقت برضه بتتقال عدى بس ما علينا مش موضوعنا.. طيب بلاش اخت بنت يمكن انت وحيد مامتك و باباك ,, معندكش بنت خاله ؟ بنت عمه ؟بلاش كل ده معندكش قلب ؟؟؟؟معندكش قلب تحس ان البنت اللى انت بتلعب بيها دى حبيتك و خافت عليك ؟ ضيعت وقتها للاسف عليك ؟؟و انا فى رايى ان البنت مش بتصاحب غير لما بتحب و برضه فى بنات بيقضوها بس بنسبه قليله جدا مقارنة بالولاد انا بقى عايزه افهم حاجه لما انت يا ولد بتقضيها و كل يوم مع بنت شكل و كل يوم مع بنت نوعبتحس ان انت كده راجل ؟؟ و انك كده مبسوط من اللى انت فيه ؟ يا ترى لما بتقعد مع نفسك بتحس ايه ؟ انك ظالم ؟؟اوعى تكون بتحس انك مظلوم لحسن دى تبقى كارثه تانيه لوحدها او عايزه افهم حاجه بتستفيد ايه؟ انك تكون متمنظر بواحده قدم اصحابك ؟؟ليه يوصل بيك الحال انك تكذب فى مشاعر حلوه ربنا حطها جواك ؟؟تخيل نفسك قعدت بالسنين تعمل كده و اتعرف عنك فى المنطقة اللى انت فيها انك بتاع بنات و جيت فى مره حبيت بنت بجد و قولتلها انك بتحبها و كنت متوقع انها عمرها ما هتقولك لا ما طبعا انت الشاب الجامد اللى مخلص على بنات مصر و اللى عمر ما بنت قالتلك لا و جت البنت دى قالتلك لا و قعدت انت تحلف ليها بكل الحلفانات و هى قالتلك ما انت ياما حلفت لبنات و ياما قلت لبناتكتير كده اشمعنى انا بقى اللى انت هتكون صادق معايا ؟؟ و سابتك او بمعنى اصح ( نفضتلك ) هتحس ايه ساعتها ؟؟انك كنت حلو و مثبت البنات كلها؟ ولا انك كنت وحش و انك مش عايز حاجة من الدنيا غير ان الناس تنسالك اللى انت كنت بتعمله ؟؟عارف ساعتها هتندم بس مش هيفيدك الندم ساعتها لان هيكون الاوان فات ...معلش انا طولت عليكوا و يمكن انا فاهمة الموضوع غلط بس ابعتولى رايكم يا شباب قولولى ايه وجهة نظركم ؟؟ فهمونى يا بنات و احكولى مين حصل معاها كده و مين قدرت تخرج من الوقف اللى اتحطت فيه و ازاى و عملت ايه قولولى يا شباب ليه بتعملوا كده ؟؟ فهمونى ليه اسلوبكوا بقى كده احكولى يمكن انا فاهمه غلط الحكايه دىفعلا حاسه ان الموضوع اخد اكبر من حجمه لدى كثير من الشباب خلونى اشوف الأراء بتاعتكوا فى الموضوع ده و منتظرة ردكوا عايزه اعرف البنت هى الى غلطانه عشان امنت ليك و حبت ؟؟ ولا انت اللى مقدرتش حبها ليك ؟؟

مين فينا اللي صح......؟؟!!!!!!!!!!!!!!

لقد أخترت أن أكتب في هذا الموضوع بالذات حيث يعتبر شائك ومعقد لحد بعيد ألا وهي العلاقة بين الآباء والأبناء فقد أصبح التزايد المستمر في الشكوي من الآباء والأبناء علي حد سواء صداع داخل كل بيت مصري . فنجد الأبناء يشتكون مرارا وتكرارا من تعسف آبائهم وعدم فهمهم لطبيعة تفكيرهم متعللين بالعبارة الشهيرة ( أحنا جيل وهما جيل تاني ).......وعلي الجهة الأخري نجد الآباي يشتكون من أبنائهم مر الشكوي متعللين بأنهم جيل تافه وميقدرش يتحمل مسئولية. ويستمر الجدال علي مدي صدق أي من الطرفين دون الوصول أدني نتيجة تذكر ويستمر الحال كما هو عليه وعلي المتضرر اللجوء للقضاء.............. يلا نتكلم بجد في الموضوع دة علشان أنا شايف أنه طول زيادة عن اللزوم وبقي رخم........أنا هأعرض تحليلي للأباء والأبناء بشكل موضوعي بعيدا عن الأنحياز لأحد الطرفين أو علي وجه الخصوص للشباب بحكم أنتمائي أليهم وهأسيب الحكم ليكم.. مع أحترامي لكل الآباء لكن في مصر بيعطوا أنطباع أنهم مسئولين في الأسرة عن الجانب المادي فقط يعني مبيفكرش يقعد مع أولاده يعرف طريقة تفكيرهم أيه وميولهم...يعني كتير بيبقي الأب مع أبنه لكن أمتي الأب بيبقي موجود في الوقت اللي أبنه محتاجه فيه.. وكمان في حاجة بتضايقني من اللآباء ومن أي حد عموما أنه يخطئ في قراره ولكن يرفض الأعتراف بخطئه من منطلق أنه كبير السن ولا يمكن أن يخطئ مع أن الأعتراف بالخطأ من الدلائل التي ترجح عدم وقوعه في الخطأ مرة أخري والأعتراف بالخطأ دليل علي العقل الناضج مستشهدا بقول برنارد شو (لو عرف الأنسان سبب غبائه أنمحت عنه صفة الغباء )..... وأحيانا يصل الآباء للدخول مع تحدي مع أبنائه مع أنه بمقياس السن يكون الأب متصف بالحكمة نوعا ما ...ولكنه يصل بعقله لمستوي عقل أبنه فيا لها من مهزلة......................!!!!!!!!!!!!!!!!!!!! لقد ألغي المصريين والعرب عامة جدوي التربية الصحيحة مع أن الغرب وضعوا له الأسس والقواعد وأقاموا لها علما منفردا بذاته حيث أن التربية تتكون من عدة جوانب أهمها الجانب التربوي والجانب النفسي والجانب الأجتماعي نهاية بالجانب المادي ............ ولكن المصريين نجحوا في أختزاله وأختصاره ألي الجانب المادي فقط...................!!!!!!!!!!! ولكن هذا لا ينفي مسئولية الأبناء حيث يتحملوا جزء كبير من المسئولية فلا يعني أطلاقا أن أهمال الآباء لهم يتيح لهم التسيب والأنفلات الأخلاقي ولكن يلقي بمسئولية أكبر علي عاتقهم لتحقيق وأثبات ذاتهم وذلك لأن الأنسان هو الذي يصنع بيئته وليست البيئة هي التي تصنعه. وفي كل المشاكل التي تحدث بين الآباءوالآبناء نجد السبب هو أن الطرفين بيأخدوا الحوار عند....وده بيكبر الموضوع وبيعمل مشكلة من مفيش ...يعني ساعات الواحد بيطلب من والده فلوس علشان يلعب كورة أو يروح سينما أو حتي يجيب سجاير وبيقول لوالده أنها فلوس درس ولما الوالد يرفض تلاقي الأبن بيثور بدعوي أن الأب يعوقة عن مواصلة تعليمه و أنه متعسف وتلاقيه يغضب ومبيكلمش حد في البيت ويمتنع عن الطعام (يعني كداب وكمان بيصدق نفسه )... أنا شايف أن العلاقة بين الآباء والآبناء تبقي قوية عندما تشكل في أطار توليفة مرنة بحيث تكفل لها القوة والمتانة وعدم التـآثر بأي متغيرات........ يعني الأب يعرف يشد الحبل أمتي ويرخي الحبل أمتي والوصول عند الأبن لمكانة الصديق المخلص الذي يسدي له النصيحة الصحيحة في الوقت الصحيح................... أنا دلوقتي عرضت وجهة نظري في الموضوع أستخلصت حاجة مهمة أن الطرفين غلطانين ولكن يبقي الأحترام للآباء نظرا لمنزلتهم العظيمة ومدي الجهد الذي بذلوه من أجل أبنائهم وأيضا أستشهادا بالأية الكريمة التي وصانا فيها الله عز وجل علي آبائنا التي يقول فيها... ( ولا تقل لهم أف ولا تنهرهم )........................................ أخيرا وليس أخرا أنا منتظر أرائكم أنتم علشان الموضوع دة يهمنا كلنا ياتري مين فينا اللي صح.......................؟؟؟؟؟؟!!!!!!!!!!!!!!!!!!!!!